"Лучший школьный музей-2019" конкурс

     Алматы қаласында 44 жылдық тарихы бар Ә.Шәріпов атындағы №16 мектепте Ұлы Отан соғысының ардагері  Әди Шәріповке арналған мұражай 2004жылы 10-сәуірде ашылған. Мұражайдың жасақталуына Ә.Шәріповтың жұбайы К. Ж. Мыңжасарова атсалысып, батырдың қолданған заттары мен кітаптарын, отбасылық фотосуреттерін, құжаттарын білім ошағына сыйға тартқан. Қазіргі кезде мұражай мектебіміздің-тарихи мұрасына  айналды. Ә. Шәріповтың майдандағы ерлігі мен қаһармандық тұлғасын жастарға сіңіріп, патриоттық тәлім-тәрбие беруде мұражайдың жәдігерлерінің орны ерекше. Осы орайда Алматы қаласында 10-шы қазан күні өткен  қалалық "Лучший школьный музей-2019" конкурсында "Презентация музея" атты номинациясы бойынша  мектебіміздің мұражайы жүлделі 2-орынды иеленді.