Судағы қауіпсіздік

Жыл сайын елімізде балалардың өзендерде, көлдерде, су қоймаларында, каналдарда және басқа да су нысандарында жазатайым оқиғаларға ұшырау фактілері тіркеледі. Олардың негізгі себептері балалардың ересектердің қарауынсыз қалуы, ата-аналар мен заңды өкілдердің бақылауының жеткіліксіздігі, рұқсат етілмеген орындарда шомылуы және судағы қауіпсіздік қағидаларын сақтамауы болып табылады. Соның салдарынан балалар ауыр жарақат алып, кейбір жағдайларда суға кету фактілері орын алуда.
Оқиғалардың басым бөлігі шомылуға тыйым салынған және арнайы жабдықталмаған су айдындарында, сондай-ақ ересектердің балаларды қараусыз қалдыруы салдарынан орын алған. Бұл ретте суға батып кеткен балалар 2-18 жаста. Жаз мезгілінде балалардың су айдындарының маңында көбірек уақыт өткізуіне байланысты жағдайдың күрделене түсуі ықтимал.  
Баяндалғаннның негізінде және балалардың қауіпсіздігін қамтмасыз ету мақсатында Қазақстан Республикасы Ішкі істер министрінің 2015 жылғы                                     19 қаңтардағы №34 бұйрығымен бекітілген Су айдындарындағы қауіпсіздік ережелерін қатаң сақтау ережелерімен танысуды ескертеміз.