«Қашықтықтан оқыту жағдайында балаларға қалай көмектесуге болады?» тақырыбында жалпыреспубликалық ата-аналар жиналысы.
Бүгін 17.09.2020ж мектебімізде «Қашықтықтан оқыту жағдайында балаларға қалай көмектесуге болады?» тақырыбында жалпыреспубликалық ата-аналар жиналысы болып өтті. Онлайн ата-аналар жиналысының мақсаты: ата-аналармен (заңды өкілдерімен) оқу жылының басында қашықтықтан оқыту жағдайында кездесіп жатқан мәселелерді бірлесіп шешу, туындаған сұрақтар бойынша түсіндіру жұмыстарын жүргізу.
Күн тәртібінде:
1. Әлеуметтік желідегі қауіпсіздік шаралар, ата-аналардың бақылауы;
2. Білім алу үдерісінде қолданылатын білім платформалары;
3. Оқушылардың білім алуға өзіндік жауапкершіліктері;
Аталған күн тәртібіндегі сұрақтар бойынша 1-11 сыныптың жетекшілері тақырыпты ашып, сұрақ-жауаппен алмасты. Жиналыс барысында Республика аумағында "Қауіпсіз мектеп ортасы" акциясының өткізіліп жатқандығы айтылды. Ол бойынша оқушылардың әлеуметтік желіде жұмыс жасау механизмі туралы мәселеге ерекше тоқталып өтті.