«Бес табан» және «Бес асық»

Жастар арасында ұлттық ойынды насихаттау мақсатында ұйымдастырылған челлендж, жас талғамайтын, күндіз ойнаса мергендікке, түнде ойнаса ептілікке тәрбиелейтін асық ату сайысына мектеп оқушылары қатысты. Олар жекелей және командалық сынға түсті. Топ-топқа бөлінген қатысушылар асық атудың «Бес табан» және «Бес асық» атты кең тараған түрлері бойынша үздіктерді анықтады. Асық ойнауды дәріптеу арқылы ұлттық құндылықтарымызды дәріптеп, балалар мен ересектердің арасында шыдымдылыққа үйрету мақсатымыз болды.