«Қашықтықтан оқыту кезіндегі оқу-тәрбие жұмысы» атты Республикалық ғылыми-практикалық конференция.
2021 жылдың 24 сәуірі күні «Ә.Шәріпов ат. №16 жалпы білім беретін мектебінде» «Қашықтықтан оқыту кезіндегі оқу-тәрбие жұмысы» атты Республикалық ғылыми-практикалық конференция өткізілді. Конференцины ұйымдастыруда «Алматы дарыны» дарынды балалар мен дарынды жастарды анықтау және қолдау жөніндегі орталығы» КММ инновация – педагогикалық технология бөлімі, Абай атындағы ҚазҰПУ «Мансап» орталығы, «№95 жалпы білім беретін мектебі» КММ қолдау білдірді. Конференцияның негізгі мақсаты: қашықтықтан оқу кезіндегі оқу-тәрбие жұмыстарының ұйымдастырылуы бойынша зерттеушілік, теориялық, практикалық жұмыстармен бөлісу. Педагог мәртебесін көтеру, пандемия жағдайында қолдау білдіру. Республика аумақтарындағы мектептермен желілік байланыс орнату, іс-тәжірибе алмасу.
Онлайн\оффлайн өткізілген шараға ел аумағынан жүзге тарта орта мектеп, колледж педагогтары өз жұмыстарын ұсынды. Жиын барысында ұйымдастырушылар мен педагог спикерлердің таныстырылымы арқылы оқу- тәрбие жұмыстары 6 секция бойынша талқыланып, ортаға салынды. Тәжірибелі ұстаздар атынан жылы лебіздер айтылып, ұйымдастырушыларға алғыс білдірілді. Конференция өте жоғары деңгейде өткізілді.