«XXI ғасырдың ең тиімді мамандығы» тақырыбында 9 сынып оқушылары арасында пікірсайыс

Ә.Шәріпов ат.№16 ЖББМ КММ де – «XXI ғасырдың ең тиімді мамандығы» тақырыбында 9 сынып оқушылары арасында пікірсайыс болып өтті. Кез-келген оқушы пікірталастырғанды ұнатады. Бірақ бәрі бірдей дұрыс дәлелдерді қалай таңдауды, сыни ойлауды, өз позициясын қорғауды, қарсыласын естуді, қателікті мойындау кезінде батылдық танытып, эмоцияларын басқаруды біле бермейді. Мұны тәжірибесіз үйрену мүмкін емес. Ең бастысы, мұндай дағдылар пікірталастарда қалыптасады. Бүгінгі таңда бұл оқу техникасы мектептерде де, сабақтан тыс уақытта да белсенді қолданылады. Тақырып ішінде қазіргі замандағы үш мамандық талқыланды.Үкімет тобы берілген мамандықтардың тиімді,жақсы жақтарын айтып дәлелдесе, оппозиция тобы керісінше кемшіліктерін ашып талқылады.Оқушылар тақырыпты тыңғылықты зерттей отырып, кеңінен ашып, себебі мен салдарын түсіндірді. Пікірсайыс соңында Үкімет тарапы жеңіске жетті.